'n Echte soprit

** D’n daag veur de rit

D’n daag  veuraof nog eve geprobeerd of alles OK waor met us motorkes. Veer hadde gekoze veur de Nimbus en de R80. Heerlijk eve tuffe. Gewoen in de naobersjap. Neet te wiet eweg veur ‘t geval d’r toch gèt neet zow kloppe. De R80 had al unne nuijjen accu, dus dat mos gein probleem zien.

Heerlijk waor ut. Eve weer op twie ben. Iech geluif dat ut veur miech dit jaor ut ierste tuurke waor. Lekker in ut zunneke en in de wind. Kaajd waor ut wel u bitteke, meh dat moch ut plezeer neet drökke.

Nein, iech dach zellevers, boerum daon iech dat toch neet dekser? Gewoon eve un haaf eurke lekker tuffe. Ut waor zoe lekker weer de benzien te ruuke, de olie te veule en ut roonke van de motors te huure.

**Daan is ut 1 aprèl 2013

D’n daag vaan de soprit. Opstoon, naor boete kieke en gelökkig. Ut is druug. Geine snie, gein wolleke, geine bevroore weeg en hiel väöl zin.

Allein de temperatuur. Iech höb mer neet goon kieke, mer wie iech de motors boete zat, wis iech al genog. KAAJD! Elvera vertèlde naoderhand dat ze gezeen had, dat ut om 8 oor -4 graode waor. Dus iech had geliek, EG KAAJD!. Gewoen lekker werrem aangedoon, motors gestart en op naar de start. Onderweeg al geneetend vaan ut sjoen weer en good veule dat ut eg KAAJD is.

Op ut plein aongekoome voolt iech al kaw vingertoppe. Dju! En veer mote nog pas beginne! Eine truus hadde veer: veer waore gelökkig neet allein. Allemaol dik ingepak. Iemes zag “Ut leek mie op ‘t begin váan ‘ne pooltoch daan vaan un motorrit”.

Nao eve hennekes sjodde en get bazele, ginge veer achter Niek aon. Geer wèt wel, d’n oetvinder vaan die Paosmaondagsop. Iech weit neet wie heer ut veerdig kreig, meh wie deks heer us, extra deen kawwe wind, volgens miech mèt u geveul van min 10!!, heet laote veule, dao höb iech ut mer neet mie euver. Nein, heer brach us euver sjoen weeg, langs sjoen oetziechte, steil hellinge en neet al te väöl roej leechter naor Kierchrao. Metein de grens euver naar de naobers.

Wat zuut dat toch metein aanders oet. Groetere en hoeger hoezer, met klein vinster, spitser daake en veural lekker weeg. Nein, die duitsers höbbe ut wel op un rijj. Zeker op de plaots boe veer naor tow gonge.

Us paus-plaots: Kleijer oet, eve opwerreme aon de verwerreming en de geziechte in de ploej vrieve. Ut waor neet d’n ierste kier dat veer daor naor tow gonge. Nein, mer ut waor wéér werrem, wéér lekker en wéér väöl. De hoofdes gaaroet nörreges um te vraoge. Nein, ut woort diech gewoen gebrach. Op deen eine kier nao: Raymond en iech, veer waore zoe gesjarmeerd vaan de lekkerneijj dat veer nog veur un twiede runde gonge. Ut kommentaar dat dat gaof! Meh miene jong! En vaan teveure wiste “ze” al allemaol dat veer ut neet op gonge kriege. Now veer höbbe ze dat eve laote zien. Allein toen hoorte veer niks mie. Watjes!

Zoe es altied kaom ouch aon dit lekkers un ind. Veer gonge weer op weeg. Trök naor ut begin. Ut waor te merreke dat ut zunneke beter häör bès aon ut doen waor. Allein zoe noe en daan dee verrèkde zijjwind vaan min 10! Nein, iech höb al tegen Jan en Ria gezag “de nuijjaorswandeling waor in de snie, vandaog rijje bij (euverdreeve) min 10, geer moot bijj ut veurrijje mer ins veur get beters zörrege”.

De weeg trök ging super snel. Nao mien meining rooke de motoren de stal. Meh wel weer euver goje duitse weeg en weer langs groetere en hoeger hoezer en sjoen oetziechte. Höb geer ouch gezeen wieväöl zonnepeniele ze daor allemaol höbbe? Kinne veer nog get vaan liere. Werrek wel neet op olie of benzien, mer is good veur de pries vaan d’n olie.

Trök bij aof, höbbe veer nog u teske koffie gedrónke en nog get gewawwelt um daonao nao hoes te goon.

Iech weit neet wie ut uuch vergaange is, meh iech höb genoote van uuch, vaan ut rijje, vaan ut zunneke en voont ut sjiek dat Bertien  aouch debeij waor.

Niek en Bertien, hartstikke bedaank.

P.S en dat twiede stuk toert waor dobbel zoe lekker!

Mét de kompleminte.